│目錄│

001  書名頁

005  臺南，臺語沖沖滾／編輯部

 

臺南臺語月

008  接地氣的城市慶典──2020臺南臺語月／葉書庭

017  繡入吳園的詩篇──臺語現代詩裝置藝術／鄭曼儀

 

025  福爾摩沙的風景  七彩的新風景

026  桐花祭／余文欽

028  陪你佇臺南／黃靜惠

029  月夜，觀音山／郭文玄

030  尖石鄉 ê 色水／鄭如絜

032  雨中的記持／季芸

036  鹿港  郭厝／呂昭燕

037  踅里港／崎仔頭赤子

040  基隆紅淡山／謝慈愛

045  里美步道初體驗／楊振裕

054  軁入歷史的空縫──集集規盤古早味／王羅蜜多

 

071  抗疫的故事  悲傷練習曲／蘇善

072  解方／古能豪

073  阮 ê 名號做臺灣／謝宗翰

076  這个世界破病囉！／王希成

078  COVID-19／李淑貞

080  無聲的淚／柳青亮

082  《是非有芳臭》詩三首：三戰、厝戀、伏面／李勤岸

088  馬尼拉封城記／MnL Hui-bîng

094  愛佇抗疫故事湠開時／林榮淑

108  臺灣防疫滿百日，成功關鍵是佇「溫暖話語，安民心」／程鉄翼

 

現代詩

114  茉里詩草5首／胡民祥

118  嘉義三冬／黃勁連

119  神祕 ê 烏蛇──送 höo 王育德 si n-sé／周華斌

122  詩兩首：無人問、38500箍／許正勳

124  落雪／阿蠻

126  詩兩首：丟丟噹仔、杯底毋通飼金魚／黃徙∕蒼鷺：簡櫻汝攝影

129  南國文火／林益彰

132  雨夜／蔡澤民

135  井／詩∕攝影  張威龍

136  阿母佮失智症／田美瑜

138  天粽／葉東泰

139  春風陣陣吹／韓滿

140  波浪３首短詩／高月員

141  啥人講／沙山若懷

142  空／薛榮永

 

散文•劇本

144  一日雙營／陳金順

149  陪我行路／杜信龍

160  抓耙仔／黃文俊

169  跳舞衫／蔡秀英

176  食仙仔／Alana Hana

181  我的翕相機──對小型相機的進化看近代科技的快速發展／賴朝和

187  臺灣人做日本兵 ê 小故事／蘇晏德

189  逐家鬥陣來抗疫！／陳建成

 

評•論

194  行過白色的烏影──《臺灣男子簡阿淘》的故事／陳正雄

209  兩條路行倚做一條路──詩寫臺灣佮臺語吟詩／施炳華

223  日治時期台語文「言文一致」 ê 內涵（下）／周華斌

 

臺譯文章

231  林宗義 ê 故事（五）──化悲情為大愛 ê 人生路

◎華語原著：曹永洋  台語翻譯：林俊育

 

講到太平洋

245  狗兄弟學臺語佮畫圖（四）／詩∕康原  繪圖∕一念

 

《臺灣俚語小學堂》

250  枵鬼假細膩／阿昆

251  龜跤龜內肉／阿昆

 

252  徵稿啟事

254  版權頁

256  專題徵文

 

 

│編輯手記│

臺南，臺語沖沖滾

 

編輯部

 

    語言毋但是人佮人之間溝通的工具，族群的語言嘛是群體認同的標記，歷史文化的載體。臺語是濟濟語言學家公認優雅精深的語言之一，臺南立城以來一直活跳跳佇在地流通，一代一代傳承落來。對關心、支持本土文化佮臺語文學發展的朋友來講，今年度上引人注目的活動，應該是七月份佇臺南盛大舉行，由臺南市政府主辦，臺南市政府文化局承辦，前衛出版社協辦的「2020臺南臺語月――臺語沖沖滾（Tâi-gí tshiâng-tshiâng-kún）」。這是臺南市政府接紲多年來扮演全國公部門的「領頭羊」，率先創辦臺語文學刊物，創設臺語文學獎項之後，閣再前瞻性的大大踏出一步，以「臺語的文化藝術」為核心主題，邀集詩人、作家、學者、藝文團體佮相關的工作者，鬥陣來開創城市代表性的文化活動。

    「2020臺南臺語月」佮臺南在地的語言文化有密切的連結，規劃的內容非常豐富，涵蓋咱生活上所接觸、所延伸的各層面，包括臺語文學、音樂、影片創作，布袋戲、舞蹈、行動劇表演，講學、展覽、傳統市集……等等，到這期的《臺江臺語文學》截稿為止，多數的節目猶閣鬧熱滾滾咧進行。來參加活動的時，若佇吳園藝文中心的廣場看著有人咧喝玲瑯賣雜細，抑是賣古早點心涼水佮糖仔餅，就表示你已經踏入府城的奇幻旅程，由2020年轉去頂世紀的60年代，無妨交關一下，揣一條（liâu張）椅頭仔坐落來，好好仔體驗老臺南人的集體記憶，戀戀毋甘遺忘的舊城情調。

    這期咱配合整體活動的進程，濟濟的節目將由六月份端午節就先起鼓熱場，展示臺語現代詩佮裝置藝術的「繡入吳園的詩篇」開始，隨後相紲陸續登場的各式節目，到最後安排佇吳園廣場首映的，跨界合作規劃製作的原創台語影片「府城的奇幻旅程――走揣小封神的傳奇」等等，編排做一系列的臺南臺語月專題報導，紹介其中的特色，分別踮這期佮後一期接紲刊登，予各地的朋友會當分享豐盛多元，這个城市特有的臺語文化藝術。

 

當季的專輯

    英文也好，中文、日文、西班牙文也好，文學藝術的養成攏是久久長長的，需要一點一滴慢慢累積、一代一代孕育。徛佇現階段臺語文學的發展進程思考，咱一向鼓勵創作者自我挑戰開拓寫作的題材佮領域，一方面自我鍛鍊技藝，一方面也會當為後進填厚養分肥底，拓展開闊的向度予觀摩參考，加速催化整體臺語文學的精進、成熟。

    這期推出的當季專輯《抗疫的故事》，佮前一期推出的《福爾摩沙的風景》，來稿攏非常踴躍，特別是因為前一期遇著例行性縮短一個月的出版日期，連帶壓縮著截稿的日期，所以《福爾摩沙的風景》累積出真濟篇袂赴踮當季刊登的作品，文體不止仔多樣化，而且差不多對臺灣頭到臺灣尾各地的風景攏有書寫著，各有千秋，嘛各自含情寄意。

    感謝逐家對《臺江臺語文學》支持愛護的盛情，為著盡量將配合當季專輯的來稿編排入去，這期版面的規劃有小可仔調整，用較濟的篇幅來刊登這兩个精彩的專輯，有淡薄仔像捀（phâng）出「雙主菜特餐」的 feel，菜色腥臊（tshenn-tshau 豐盛）閣無加錢，佇遮共逐家做一个說明。