正在加載......


售價 : $200
 臺江臺語文學季刊第二十九期:人間的美食
 
  發行人:葉澤山
  總編輯:陳建成
  出版:臺南市政府文化局、財團法人臺南市文化基金會
  出版日期:民國108年3月5日
  ISSN:2227-748-X
  GPN:2010100888
  語言:繁體中文、臺語
  規格:平裝/23*17.3cm/253頁
  定價:NT$200元
 
 
 
 
|目錄|

 

005  編輯手記

 

城市的情韻

010  拾葉――葉石濤辭世 10 週年紀念書信展/編輯部

010  台灣男子簡阿淘――葉石濤捐贈展/編輯部

012  王育德先生ê 冊房/周華斌

014  五層樓仔,掛號/林益彰

016  南庄印象/阿蠻

018  散步/余致毅

022  當季特稿1:從石膏像到南美館!/鄭邦鎮

038  當季特稿 2:傳奇飛番吹笛師!/鄭邦鎮

052  走揣小封神的神鬼傳奇()/陳正雄

063  文學的城市――2018 第八屆臺南文學獎/採訪整理∕編輯部

 

人間的美食

068  鼎邊趖/林宗源

069  牆圍仔內外/黃文俊

072  烏魚米粉/利玉芳

074  五柳枝回憶――海味的記持/黃徙

075  Bon profit 西班牙海鮮燉飯/王希成

076  街頭美食兩帖/程鐵翼

080  來揣陳澄波食冰/杜信龍

083  灶跤/周梅春

084  水晶料理/柳青亮

088  虱目魚的滋味/林榮淑

097  翁婿的手路菜/田美瑜

 

現代詩

101  《是非有芳臭》詩2首/李勤岸

104  彫塑詩集1316/李魁賢

106  馬頭山的白毛蟹/康原

107  治明診所――鄉土手記/黃勁連

108  厭/陳潔民

109  野亭候人/張信吉

110  牛港嶺的牽牛花/王羅蜜多

113  輪椅/蘇善

114  人客,咱對佗位來/小城綾子

116  春花望露/古能豪

118  遇見聶魯達/陳秀珍

120  秋天/張威龍

121  臺灣查某人/高月員

122  心情剪輯/黃靜惠

124  台江泮轉來/余文欽

125  記持咬足深――讀周梅春《記憶的盒仔》有感/黃徙

126  我上佮意的所在/呂昭燕

 

珍藏的意愛

127  致意/洪彬

128  臺文館神祕的密室!/方知儀

133  左營退伍兵的後頭厝/林寒

 

散文

142  魩仔魚小姐/凍露水

152  行過沙埔地/鄧榮坤

159  行入去歷史史料的現場/郭文玄

170  三山六海一分田/謝慈愛

173  醫生ê故事/劉明新

178  阿媽ê故鄉/Alana Hana

181  阿伯公仔ê契囝/張家榮

 

小說

191  彼个下晡/林美麗

211  千年萬年/陳金順

224  過期的人生/陳秉熹

 

鄉野傳奇

238  江湖術士/陳品松

 

《俚語小學堂》

249  死蛇活尾溜/阿昆

250  過橋較濟你行路,食鹽較濟你食米/阿昆

 
 
|書序|

 

編輯手記

 

歡喜迎向新里程

 

編輯部

 

        這期收著《臺江臺語文學》的讀者朋友,可能雄雄會感覺佮進前無啥相仝。因為這期開始有調整刊物的部份規格,其中版面的開數對原來25開增大為18開,彩色頁對8頁增加為32頁,新的規格會當予版面的編排設計有較大的空間通運用、變化,發揮雜誌的特色佮風格,嘛會當容納較濟的作品,予內容更加豐富多元。

        這是一擺使人歡喜的升級、進化,佇遮編輯團隊感謝逐家對臺語文學、對這本刊物的支持愛護,特別是出版發行的臺南市政府文化局的用心,為現階段的臺文發展熱誠加注(ka-tù加碼)。

        過去一年來,編輯團隊一直抱持以「文學藝術」為核心理念,行向「降低閱讀門橂(m£g-tīng門檻)」、「拓展書寫題材」、「融入生活情趣」的方向來推捒(sak)臺語文學,經營刊物的內涵風格,希望會當吸引較濟有興趣的民眾參與閱讀、書寫。這擺版面的升級,除了持續貫徹進前的理念以外,咱嘛欲配合進一步深化臺語文學的意象佮特色,所以對這期開始會規劃「當季特稿」新的專欄,逐期邀請佮本土文化相關的傑出人士,如學界專家、民俗文化專家、音樂家、劇作家、語言學家⋯⋯等,以專欄的形式臺文寫作或者臺文翻譯,或者由編輯部專訪整理成報導文學,佮各種本土文化藝術直接產生連結,予民眾會當透過臺語閱讀著較多元的觀點,漸漸適應對臺文的閱讀佮認捌,培養臺文的內在思考。

 

當季特稿佮專輯

 

        這期,咱就由一向大力支持、推捒本土文化的文學博士鄭邦鎮教授開始。鄭教授現任國家文化藝術基金會董事、臺南市美術館董事。過去佇大學教學以外,擔任過靜宜大學的中文系主任、臺灣研究中心主任,推動改革中文系、倡議「臺灣學」,籌備臺文系,並擔任臺灣文藝總編輯,臺灣文學年鑑總策劃。後來受文建會借重出任國立臺灣文學館館長,賴清德市長延攬出任大臺南第一任教育局長。卸任後佇成大臺文系擔任拓荒課程「西拉雅文學概論」系列單元……等等真濟要職,長期以學者佮官方的身份參與各種文化事務佮活動,而且走傱(tsáu-tsông 奔走)甲不止仔投入、歡喜。

        最近這段時間,臺南地區的文化活動真濟,包括臺南美術館開幕、臺南文化獎佮文學獎頒獎、國立臺灣文學館文學獎頒獎、文學家葉石濤相關的展覽……等,展現出文化之都源源的人文活力。佇咱向望刊物的內容會當同時兼顧著「文學藝術」佮「本土在地文化」的當時,真拄好!鄭教授寫的「從石膏像到南美館!」佮「傳奇飛番吹笛師!」兩篇分別為活動佮好友有感而發的文章,講的就是伊長期以來佮臺南美術館的濟濟藝術家、榮獲第七屆臺南文化獎西拉雅族萬正雄長老的因緣,若用臺譯呈現,毋但著時(m-nä-tiõh-sî不但合時宜),會當予逐家深入了解臺南這兩件重要的文化活動,閣是真有文學高度,值得欣賞的作品。

        而且「附帶的」,嘛會當予逐家「品味」臺華兩種語文翻譯之間的趣妙佮難處。鄭教授的文章毋是歹臺譯,是非常歹臺譯,「風格即是本人」,因為伊的學識淵博,文思醇厚、洗鍊早就自成一格,行文有伊獨特的節奏律動,真自然的會隨意順勢融會華文詩詞、經典,轉譯時無容易揣著對等、傳神的語詞佮意涵,若強欲譯予全然臺語氣口(khuì-kháu語氣與措辭),文學風格就會全然破害去。所以,臺譯就以尊重原有的文學藝術為考量,膽膽撙節(tám-tám-tsún-tsat惶然的節制)佇兩頭的平衡之間,不足的所在請逐家多多包涵。

        紲落去,咱會每一期攏安排無仝領域各有精專的學者、藝術家輪番上陣,予逐家會當接觸著各種無仝視野佮風格的文章。

        猶閣有,這期當季的專輯《人間的美食》嘛真精彩,鼎邊趖、烏魚米粉、五柳枝、煙腸熟肉、旗魚羹、四神燖小肚、宮保雞丁、西班牙海鮮燉飯、虱目魚料理、水晶料理、法國料理……等等,各有鍾情各有千秋,攢攢(tshuân-tshuân)咧毋但會當開桌爾爾,當美食融合文學的時,會當順手攢出來見證的――蚵仔堅持母語的去路∕芹針堅決活踮本土∕鰇魚堅守海的夢∕木耳堅忍運河的運命」(林宗源);「鵝肝、松露、魚子醬∕食入喙內的奢華∕毋是迵對腹腸去∕彼是通往面頂∕得意的笑容」(黃文俊);「瓦倫西亞生米潛入火性湯池∕浪蕩變成熟飯,彼一大鼎∕燒絡衝煙的 Pallea∕已經真西班牙」(王希成);「你是油彩的化身一步就迒過歷史的坱埃∕你無意無意講一喙清冰堅凍我的理路」拄提著2018臺南文學獎臺語詩佮散文雙料首獎的杜信龍,連食冰都會哀傷甲引出燒烙的目屎。當美食融合文學的時,弦外之音伴隨「色、芳、味」滾絞飛踅,何止千般風韻萬般滋味!

 

設立新的網站

 

        為著拓展臺語文學推廣的層面佮管道,《臺江臺語文學》季刊除了紙本的發行以外,近期間會用仝款的名稱佇面冊(Facebook)開闢「粉絲團」,派專人管理定期貼文,初步會先發佈刊物相關的訊息,佮每一期刊物部份內容的分享,另外,嘛會協助各界宣傳有關臺文的活動,成做一个新的臺語文學交流的網路平台,佇遮預告,希望逐家多多支持。


 
|內容試閱|

 

水晶料理(節錄)

 

◎柳青亮

 

        細漢有印象阮厝內底,竹篾仔編的菜籃攏無時閒,和阿母去田裡割蘆筍抑是挖番薯、挽塗豆,總是扁擔雙頭擔兩跤菜籃仔去園裡,去的時,菜籃仔是空的,囥五爪仔和鐮lik仔爾爾,擔起來真輕鬆,毋過轉來的時,滇滇的收成,重甲予阿母的肩胛強欲崩去、尻脊骿強欲痀去,阮囡仔人看著足毋甘的,褪赤跤行綴佇伊的後壁,攏會欲相爭替伊擔一睏仔。

        阿母有時會予阮輪替,有時會講:「恁囡仔人擔無法,時到若跋跋倒,顛倒慘,猶是我家己來就好。」佇溪埔邊的園裡欲轉去厝彼條路,若是駛牛車去園裡愛行較遠的路,若是免用著牛,阿母就招阮peh過厝後崎崎的圳岸,溜過齊是溪沙的田岸仔,因為閘這條較近的路,往復會當省誠濟時間。

        逐擺擔轉來到厝,阿母攏會用水拹仔水直接沖菜籃仔內的五榖,共黏佇頂頭的塗沙洗予清氣,塗沙粉仔和水順洗手槽邊仔的水溝仔,流對糞埽堆去和牛屎、豬屎做伙漚肥,在來,阿母袂討債任何一點仔物件,這款事事項項都珍惜的性格,影響著我日後做代誌的態度。

        沖水了後的菜籃仔澹澹,倒匼小滴水一下,阿母隨鋪一領阿爸無欲穿的內䘥仔,共昨暝浸過水的綠豆仁掖佇搵澹的內䘥仔頂,叫我去挽幾葉仔竹葉,掩佇下綠豆仁面頂,閣甩(hiù)一寡水起去,阿母去揣一塊缺角的瓷仔蓋來崁,交代我一工上無愛甩三遍水,講等豆菜大漢,阮就有豆菜芽通好食。

 

……


 


gotop